النصائح الذهبية للرزالة الابدية !!!!

مشرف

اهلا بيكم يا جماعه دا موضوع عبارة عن مسلسل اسمه ازاى تكون رزل و انا بقا هعلمك ازاى تكون رزل فى مختلف جوانب حياتك فى بيتك و فى الشارع و فى التليفون و فى كل حته بس انتوا بس خليكوا معايا و انتوا هتبقوا اخر رزاله

و مع اول الحلقات بعنوان ازاى تكون رزل فى المواصلات

** لو راكب فى باص أو ميكروباص وجنبك حد نايم اوعى تسيبه نايم كل شوية اقعد قول وصلنا عشان يصحى مخضوض او اعمل اهبل صحيه وقوله مش انت نازل هنا بيتهيألى و فى الحاله دى اكيد هيكره ام الصدفه اللى خلته يركب المواصله جنبك على ام اليوم اللى ركب فيه .... Neutral

** لو الى جنبك بقا مش نايم متسيبوش فى حاله برضه عيب عليك متجيش هاقولك تعمل ايه بقا انت تركز على سؤال واقعد اسألهوله كل شوية زى أنت نازل فين طب انت دفعت ولا لأ لحد ما هتلاقيه فى وقت من الاوقات حدفك من شباك المواصله ...

** لو قاعد هو جنب الشباك جوه وقالك عدينى قوله رجلى منملة مش قادر وخليه ينط زى القرد أو قوله ماتنزل من الشباك ... adew

** لو انت فى أتوبيس وقاعد على كرسى وجنبك ناس واقفة استمتع بقى وخدك وقتك اتمطع بقى وقول ياسلام على الراحة الواحد مكنش عارف هيعمل أيه لو مش قاعد عايزك تخلى الناس كلها تحقد عليك لحد ما الكرسى يتكسر بيك ان شاء الله ... king

** لو العكس الناس قاعدة و انت اللى واقف بقى اقعد اسأل كل واحد انت نازل فين واقعد قول بصوت عالى ياجماعة محدش نازل قريب أصل انا عايز اقعد طول مانت واقف قول كده لحد مايقعدوك و يجيبولك لزق و يلزقولك بؤك عشان ما تتكلمش ... Exclamation

** لما الكمسرى يجى ياخد منك الاجرة هتسيبه فى حاله لا طبعا اقعد اسأله على تمن كذا مكان يعنى قوله هو لغاية الحتة الفلانية بكام طب لغاية الحتة دى بكام اسأل على تمن كل الاماكن اللى تعرفها لحد مايقولك ياعم خلصنى رايح فين قوله مانا عشان ابقى عارف بس وتقل فى العيار يمكن يسيبك ويمشى و تركب ببلاش يا عم ابسط ... geek

** لما الكمسرى يدى حد تذكرة قوله ورينى كده لو سمحت واقعد اتأمل فيها لحد ما صاحبها يزهق ويشدها منك و احتمال يلبسهالك فى وشك كمان ... awe

** فى مفتش بقى ساعات بيطلع يفتش على التذاكر وبيطلع على السريع كده وينزل أنت بقى اوعى تديهاله علطول كده أزعل منك والله دور عليها ساعة حط ايدك فى جيوبك مية مرة هيقولك خلص يا استاذ قوله ثوانى كانت معايا والله واقلع الجذمة ودور فيها وفى الاخر طلعها من بوقك بعد مايكون هو مات من الملل وقوله مش قولتلك انا فاكر انها معايا ... iui97

** كفاية كده بقى حرام المفروض تنزل قبل الناس ماتموت منك
أستنى رايح فين أنت نازل عادى كده ولا كأنك رذل ولا حاجة امال احنا كنا عمالين نرغى فى ايه من الصبح
وأنت نازل هيبقى فى ناس واقفة أعمل نفسك مش عارف تعدى وحاول تجاهد على قد ماتقدر وتضيع الوقت اللى تقدر عليه لحد الناس ماتشيلك وترميك بعد ماتكون جبتلهم السكر ورفعت ضغطتهم و ابقى ادعيلى و انت فى المستشفى ...

الى اللقاء فى الحلقه القادمة بعنوان "ازاى تكون رزل مع صاحبك"
.
.
.
استنوني
.
.