مرايتى يا مرايتى!!

مشرف

مرايتى يا مرايتى

كان يا مكان فى سالف العصر والأوان كان فى بنت أسمها angel وقفت قدام مرايتها وقالتلها

مرايتى يا مرايتى.... مين أجمل واحدة فى الدنيا دى كلها؟
أكيد مش أنتى طبعا
يا ساتر عليكى!! وبتقوليها فى وشى كده... أمال هى مين بقى؟
ست الحسن والجمال كوندوليزا رايس
ايه المراية الحولة دى!! ما علينا... مرايتى يا مرايتى مين أسعد ناس فى الدنيا؟
اللى مركبوش مترو الأنفاق قبل كده
مرايتى يا مرايتى.. طب مين أتعس ناس؟
جمهور نادى الزمالك
ههههههههههه.. حلوة دى!! مرايتى يا مرايتى ايه نتيجة الاستفتاء بتاع بكرة؟
أنتى عبيطة ولا شكلك كده
شكلى كده.. طب مرايتى يا مرايتى هو الدستور ده بيتكلم عن ايه أساسا؟
ايه ده؟ هو الدستور بقى يتكلم؟!! ده أنا كنت فاكراه بيقول ماما وبابا بس
شكلك كده مش عارفة حاجة!! طب مرايتى يا مرايتى ايه مصير الأحزاب السياسية فى مصر؟
بلاش كلام فى السياسة الله يخليكى... أنا عندى عيال
خلاص.. أنتى هتشحتى؟!! مرايتى يا مرايتى ايه الرياضة اللى ممكن تحتل مصر فيها المركز الأول؟
يوووووه.. ريا ضات كتير.. المساكة, شيك عالعالى وشيك عالواطى وممكن الاستغماية لو شدوا حلهم شوية
مرايتى يا مرايتى امتى مصر هتستضيف كاس العالم؟
لما الكونغو تستضيف بطولة التزحلق على الجليد
مرايتى يا مرايتى- سؤال أخير- تفتكرى مصر هتبقى من الدول المتقدمة أمتى؟
كررررررررررااااااااااااششش

مشرف

هههههههههههههههههههههههه

المراية دي حلووووة وزي العسل

شكرااا على التوبيك

مشرف

ميرسي لمرووووووورك
.
.

مشرف عام

هههههههههه

بجد حلوه اوى

تسلمى ياقمر

مشرف

تسلمي انتي يا قمر على المروووووووووووور
.
.
.